'n Vrye, veilige, en voorspoedige toekoms vir ons Volk is ons strewe. Die Bittereinders is 'n organisasie wat uitsluitlik baklei vir die belange van die Afrikaner/Boere. Ons glo vas dat ons Volk 'n vrye en onafhanklike Vaderland verdien, waar ons ons godsdiens, kultuur, taal, en erfenis kan beskerm, beleef, en uitbou. Ons is oortuig dat ons Volk nie kan oorleef in die "nuwe" Suid-Afrika nie, en dat die enigste manier om ons lewenstyl te bewaar is deur die verkryging van ons Volk se vryheid in ons eie land, onder ons eie regering. Ons is onbeskaamd teenoor die idees van multikulturalisme, sekularisasie, globalisme, en die vervreemding van ons Volk, taal, en kultuur. Trots, eer, en waardigheid is van ons ontneem, maar die Bittereinders sal altyd streef om ons verlore identiteit, gemeenskapsgevoel, trots, eer, en broederskap te herstel. Ons is 'n nasie wat nie verdoem sal word tot die voetnotas van die geskiedenis nie; ons verdien 'n plek onder die volkere van die wêreld. Alhoewel ons geplaas is deur verraad en swak leierskap, sal hierdie onregte herstel word deur ons eie generasie. Ons Volk sal weer opstaan, ons sal weer trots wees. Ons sal weer vryheid en voorspoed ervaar. As knegte van die Allerhoogste, teen die hele wêreld vry!